Politika e privatësisë

Kontrollues i të dhënave tuaja personale është Aleanca për Ardhmërinë e Kosovës (në vijim: Aleanca), me seli në Lagjja Arbëria, Rr. Vicianum, Prishtinë 10000.

Të dhënat personale i përpunojmë në përputhje me Ligjin nr. 06/L-082 për Mbrojtjen e të Dhënave Personale.

Për çdo pyetje rreth privatësisë na shkruani në info@aleanca-ks.com ose na telefononi në +383 44 555 909.

Kur anëtarësoheni

Emrin dhe mbiemrin, numrin e telefonit, adresën e email-it (opsionale), gjininë, vendbanimin (komunën dhe qytetin ose fshatin, ose shtetin nëse jetoni në diasporë) dhe funksionin që keni në parti.

Kur na shkruani përmes formularit të kontaktit

Emrin dhe mbiemrin, adresën e email-it, temën dhe përmbajtjen e mesazhit.

Kur na kontaktoni me email ose telefon

Vetëm të dhënat që zgjidhni të na jepni.

Kur vizitoni faqen

Faqja nuk përdor mjete analitike apo reklamuese dhe nuk krijon profile të vizitorëve. Serveri ku ruhet faqja mund të regjistrojë automatikisht të dhëna teknike, si adresën IP, llojin e shfletuesit dhe kohën e vizitës, vetëm për arsye sigurie dhe funksionimi.

• Administrimi i anëtarësisë: regjistrimi në degën ose nëndegën përkatëse, mbajtja e regjistrit të anëtarëve dhe organizimi i veprimtarive të partisë. Baza ligjore: pëlqimi juaj dhe veprimtaria e ligjshme e partisë sipas Statutit.
• Njoftimet me email ose SMS: njoftime për veprimtarinë e partisë, si pjesë e anëtarësisë, me pëlqimin që jepni në formularin e anëtarësimit. Nëse nuk dëshironi më t’i merrni, na shkruani dhe ju heqim nga lista e njoftimeve.
• Përgjigja ndaj mesazheve: për t’iu përgjigjur pyetjeve dhe kërkesave që na dërgoni. Baza ligjore: kërkesa juaj dhe interesi ynë i ligjshëm për t’ju përgjigjur.
• Detyrimet ligjore: kur ligji na detyron të ruajmë ose të raportojmë të dhëna të caktuara.

Nuk i shesim, nuk i japim me qira dhe nuk i përdorim të dhënat tuaja për reklama komerciale.

• Personeli i autorizuar i selisë qendrore dhe kryesitë e degëve e nëndegëve, vetëm për anëtarët e territorit të tyre.
• Ofruesit e shërbimeve teknike (hostimi i faqes, Google Sheets ku ruhen formularët e dërguar, email-i, dërgimi i SMS-ve), të cilët i përpunojnë të dhënat vetëm sipas udhëzimeve tona dhe të lidhur me detyrim konfidencialiteti.
• Autoritetet publike, vetëm kur ligji e kërkon.

• Të dhënat e anëtarësisë: për sa kohë jeni anëtar/e. Pas largimit nga partia, fshihen ose anonimizohen brenda 12 muajve, përveç kur ligji kërkon ruajtje më të gjatë.
• Mesazhet e kontaktit: deri në 12 muaj pas përgjigjes sonë.
• Pëlqimi për njoftime: deri sa ta tërhiqni.

Të dhënat i mbrojmë me masa teknike dhe organizative: qasje e kufizuar sipas rolit, lidhje e enkriptuar (HTTPS) dhe mbajtje e të dhënave vetëm në sisteme të autorizuara.

Në çdo kohë keni të drejtë:

• të kërkoni qasje në të dhënat që mbajmë për ju;
• të kërkoni korrigjimin e të dhënave të pasakta;
• të kërkoni fshirjen e të dhënave, përfshirë largimin nga regjistri i anëtarëve;
• të kërkoni kufizimin e përpunimit ose ta kundërshtoni atë;
• t’i merrni të dhënat tuaja në një format të zakonshëm elektronik;
• ta tërhiqni pëlqimin, pa ndikuar në ligjshmërinë e përpunimit të bërë më parë.

Për t’i ushtruar këto të drejta, na shkruani në info@aleanca-ks.com. Përgjigjemi brenda 30 ditëve.

Nëse mendoni se të dhënat tuaja përpunohen në kundërshtim me ligjin, keni të drejtë të parashtroni ankesë në Agjencinë për Informim dhe Privatësi (AIP).

• Google Fonts: shkronjat e faqes ngarkohen nga serverët e Google, prandaj shfletuesi juaj i dërgon Google-it adresën IP.
• Google Maps: harta në faqen Kontakt ngarkohet nga Google dhe mund të vendosë cookies.
• Lidhjet e jashtme: rrjetet sociale (Facebook, Instagram, YouTube) kanë politikat e tyre të privatësisë.

Më shumë për cookies gjeni te Politika e cookies.

Këtë politikë mund ta përditësojmë kur ndryshojnë shërbimet tona ose ligji. Data në krye të faqes tregon versionin e fundit. Për ndryshime thelbësore, anëtarët do t’i njoftojmë drejtpërdrejt.